Coğrafiyanı birlikdə öyrənək (050) 768 97 12      
Xəbərlər

BMU ilə Gürcüstanın nüfuzlu universitetləri arasında memorandumlar imzalanıb

Bakı Mühəndislik Universiteti (BMU) ilə Gürcüstanın iki nüfuzlu ali təhsil müəssisəsi – İvane Cavaxişvili adına Tbilisi Dövlət Universiteti və Gürcüstan Texniki Universiteti arasında anlaşma memorandumları imzalanıb.

Aygunqurbanova.comxəbər verir ki, sənədləri BMU-nun rektoru Yaqub Piriyev, Tbilisi Dövlət Universitetinin rektoru Caba Samuşia və Gürcüstan Texniki Universitetinin rektoru David Qurqenidze imzalayıblar.

Gürcüstanın paytaxtı Tbilisidə keçirilən I Azərbaycan-Gürcüstan Rektorlar Konfransı çərçivəsində imzalanan memorandumlar universitetlər arasında təhsil, elmi-tədqiqat və akademik əməkdaşlığın genişləndirilməsini, qarşılıqlı təcrübə mübadiləsinin təşviqini və birgə təşəbbüslərin həyata keçirilməsini nəzərdə tutur.

Razılaşmaya uyğun olaraq bakalavriat, magistratura və doktorantura səviyyələrində təhsil alan tələbələrin, eləcə də professor-müəllim və inzibati heyətin qarşılıqlı mübadiləsi planlaşdırılır. Sənədlərə əsasən, tərəflər birgə elmi-tədqiqat layihələri hazırlayacaq, elmi-metodiki nəşrlər mübadiləsi aparacaq, ömürboyu təhsil proqramları həyata keçirəcək, simpozium, konfrans, qısamüddətli kurs və görüşlər təşkil edəcəklər. Bununla yanaşı, innovativ tədris və inzibati idarəetmə təcrübələrinin paylaşılması, ətraf mühitin idarə olunması sahəsində birgə tədbirlərin keçirilməsi də əməkdaşlığın istiqamətləri sırasındadır.

Qeyd edək ki, Gürcüstan Texniki Universitetində təşkil olunan konfrans iki ölkənin ali təhsil müəssisələri arasında elmi-akademik əlaqələrin genişləndirilməsinə və birgə layihələrin təşviqinə xidmət edir. 
 

img
Aygün Qurbanova
(050) 768 97 12

Coğrafiyadan 10 illik təcrübə. Abituriyent hazırlığı, Olimpiada hazırlığı, Miq və sertifikasiya hazırlığı

Saytı bəyənirsiniz?
Bizə yazın