1:25 000	1:250 000	1:1 000 000

Miqyasın kəmiyyətindən asılı olaraq təsvir olunan ərazilər genişlənir və ya kiçik olur. Kəsr kimi yazıldığına görə həmin kəmiyyət məxrəcdə yerləşir. Bu isə o deməkdir ki, miqyas nə qədər kiçik olarsa, ərazi bir o qədər böyük olur, yəni, eyni ölçüdə olan xəritədə  

nisbətən geniş ərazi təsvir olunur. Bu halda miqyas kiçik hesab olunur. Miqyası göstərən məxrəcdəki kəmiyyət böyüdükcə ərazilər daha çox kiçilmiş təsvir olunur. Buna görə daha böyük əraziləri təsvir etmək imkanı yaranır. Digər tərəfdən eyni ərazi xəritədə nisbətən kiçik sahə tutur. Eyni ərazi 1:100 000 miqyaslı xəritədə 1:50 000 miqyaslı xəritəyə nisbətən iki dəfə az sahə tutmuş olur. Bəzi coğrafi obyektlər böyük ərazi əhatə etdiyinə görə onlar arasındakı həqiqi məsafələr kiçildilərək plan və xəritələrdə təsvir edilir. Bunun üçün miqyasdan istifadə olunur. Miqyasın üç növü var: ədədi, izahlı, xətti Ədədi miqyas İzahlı miqyas Xətti miqyas 1:100 1 sm = 1m 1:1000 1sm = 10m 1:100000 1sm = 1000m və ya 1sm=1km 1:1000000 1sm = 10 km

Ədədi miqyas – surəti vahid, məxrəci isə coğrafi obyektlərin kiçilmə dərəcəsini göstərən yuvarlaq ədəddən ibarət kəsrdir. Məsələn 1:500, 1:5000 ədədi miqyaslarında məntəqələr 500 və 5000 dəfə kiçildilib. Miqyasın məxrəcindəki rəqəm, yəni miqyasın kəmiyyəti böyüdükcə, kiçilmə dərəcəsi də müvafiq olaraq artır, yəni miqyas kiçilir.

Ədədi miqyas izahlı miqyas şəklində də verilə bilər (m və km ilə). Məsələn, 1:500 ədədi miqyası 1 sm=5m, 1:100000 isə 1 sm=1 km kimi göstərilir.

Ədədi və izahlı miqyas qrafik şəkildə təsvir oluna bilər. Bu, xətti miqyas adlanır.

Xətti miqyasa əsasən planda və xəritədə məsafələri pərgarla ölçüb həqiqi məsafəni təyin etmək olar.

Miqyasda qızıl qayda: santimetrdən metrə keçmək üçün 100-ə , santimetrdən kilometrə keçmək üçün 100000-ə bölürük

Miqyasda həqiqi məsafəni təyin etmək üçün aşağıdaki düsturdan istifadə edilir:

Hm=Xm•M

burada, Hm - Həqiqi məsafə

              Xm-xəritədəki məsafə

              M-miqyas

Xm=Hm/M

M=Hm/Xm

Məsələn,

1: 500 000 miqyaslı xəritədə A və B məntəqələri arasında məsafə 6 sm-dir. Bu məntəqələr arasında Yer səthi üzrə həqiqi məsafəni təyin edin.

M=5 km

Xm=6 sm

Hm=Xm.M=6.5=30 km

Miqyasda həqiqi sahənib təyib edilmısi

Hs=Xs.M2

Burada, Hs-həqiqi sahə

              Xs=xəritədəki sahə

               M- miqyas

Xs=Hs/M2

M=kök altında Hs/Xs

Məsələn

Xəritədəki sahəsi 3 sm2 olan çəmənliyin 1:200 000 miqyaslı xəritədə həqiqi sahəsi necə kv km olar?

Xs=3 sm2

M=2 km

Hs=Xs. M2= 3.4=12 km2

                Aygün Qurbanova